ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

बुलेट ट्रेनपेक्षा रेल्वेतील पायाभूत सुविधा वाढवण्याची गरज - ई. श्रीधरन

नागपूर, दि. १९ (प्रतिनिधी) - देशातील रेल्वेमध्ये पायाभूत सुविधांची वानवा आहे. त्यामुळे भारताला सध्या बुलेट ट्रेनची गरज नाही, असे परखड मत मेट्रोमॅन ई. श्रीधरन यांनी व्यक्त केले आहे.

नागपूर मेट्रो रेल्वे कंपनीला एक वर्ष पूर्ण झाल्यानिमित्त ई. श्रीधरन नागपुरला आले होते. यावेळी बोलताना ते म्हणाले, की दिल्ली मेट्रोचा पहिला टप्पा ६५ किलोमीटरचा होता. त्यासाठी १० वर्षांचा कालावधी देण्यात आला होता. पण आम्ही केवळ सात वर्षे आणि तीन महिन्यात ही योजना पूर्ण केली. खर्चिक आणि मोठ्या गुंतवणुकीचा प्रकल्प म्हणून मेट्रोकडे बघितले जाते. पण त्याचा लाभही तसाच होतो. नागपूर मेट्रोचा प्रत्येक वर्षी आढावा घेतला आणि त्याप्रमाणे उपाययोजना केल्या तर निर्याधित कलावधीपूर्वी हा प्रकल्प पूर्ण होऊ शकतो.

नागपूर मेट्रोसमोर सध्या मोठे आव्हान आहे. डिसेंबर २०१८ पर्यंत हा प्रकल्प पूर्ण करायचा आहे. प्रकल्पाला उशीर झाला तर प्रत्येक वर्षी प्रकल्प खर्च पाच टक्क्यांनी वाढणार आहे. म्हणजेच दिवसाला तब्बल ५० लाख रुपयांचा फटका बसणार आहे.

नागपूर मेट्रोचा टप्पा ३८ किलोमीटरचा आहे. तब्बल ३.५ लाख नागपूरकर दररोज मेट्रोने प्रवास करतील. त्यामुळे ३५ हजार वाहनांचा भार कमी होईल. प्रदूषणात घट झालेली दिसून येईल. वेळेतही बचत होईल. या प्रकल्पाचा ६० टक्के भाग कर्जाच्या माध्यमातून उभा केला जाणार आहे. त्यामुळे वेळेचे बंधन पाळणे अनिवार्य आहे.

सध्या देशाला बुलेट ट्रेनची गरज नाही तर भारतीय रेल्वेतील पायाभूत सुविधा वाढविण्याची आवश्यकता आहे. ८ ते १० वर्षांनी देशाला बुलेट ट्रेनची गरज भासेल. सध्या तरी तशी गरज दिसून येत नाही.