ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

कार झाडाला धडकल्याने झालेल्या भीषण अपघातात ६ जणांचा मृत्यू

होशंगाबाद (मध्य प्रदेश), दि. ४ - मध्य प्रदेशातील चौरागडच्या महादेवाच्या दर्शनासाठी गेलेल्या चंद्रपुरातील भाविकांचे वाहन झाडाला धडकल्याने ६ जणांचा मृत्यू तर ७ जण जखमी झाले. ही घटना गुरुवारी सकाळी साडेसहा वाजेच्या सुमारास घडली.

पोलिसांनी दिलेल्या माहितीनुसार, चंद्रपूरच्या माथा या गावातील १४ जण चौरागड महादेवाच्या दर्शनासाठी निघाले होते. वाहनाची ८ प्रवाशांची क्षमता असूनही त्यात १४ जण बसले होते. एका वळणावर चालकाचे वाहनावरील नियंत्रण सुटल्याने ते थेट झाडावर जाऊन आदळले. चालकाने लागलीच वाहनातून उडी मारत पळ काढला. अत्यंत भीषण प्रकारे घडलेल्या या अपघातातील मृत आणि जखमींना वाहनाला कापून बाहेर काढावे लागले.

मृतांमध्ये एका अडीच वर्षीय बालिकेचा तसेच ३० वर्षीय महिलेचाही समावेश आहे. मात्र, त्यांची अद्यापही ओळख पटलेली नाही. सर्व सातही जखमींवर मध्यप्रदेशातील पिपरिया येथील सरकारी रुग्णालयात उपचार सुरू आहेत.