ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

मुलीचा प्रेमाला नकार तरुणाने पेटवली रिक्षा

तरुणाचा स्वत:लाही जाळण्याचा प्रयत्न
नाशिक, दि. १६ (प्रतिनिधी)  - एकतर्फी प्रेमातून एका मजनूने स्वत:ची अॅपेरिक्षा पेटवून आत्महत्येचा प्रयत्न केला. ही घटना  सटाणा बसस्थानकाजवळील विंचुर-प्रकाशा राज्यमार्गावर घडली. मजनुने केलेल्या या थरार नाट्यामुळे परिसरात खळबळ उडाली. त्याला मुलीचे प्रेमतर मिळालेच नाही परंतु पोलीस कोठडी मात्र मिळाली.

वैभवचे एका मुलीवर एकतर्फी प्रेम होते. पण, संबधीत मुलीने त्याला अनेकदा नकार दिला. संबधीत तरुणीच्या नातेवाईकांनी वैभवला १४ एप्रिल रोजी चांगलाच चोप दिला होता. त्यामुळे एकतर्फी प्रेमाच्या नैराश्येतून वैभवने  बसस्थानकासमोरच स्वत:चा अॅपे रिक्षा पेटवून स्वत:वरही रॉकेल टाकत  आत्महत्येचा प्रयत्न केला. त्यावेळी सामाजिक कार्यकर्ते शाम बगडाणे व इतर काही नागरिकांनी प्रसंगावधान राखून पेटत्या रिक्षाकडे जाणार्‍या चालकास दूर केले. त्यानंतर वैभवला सटाणा ग्रामीण रुग्णालयात दाखल करण्यात आले आहे. वैद्यकिय अधिक्षक डॉ. एस.आर. राठोड, डॉ. शशिकांत कापडणीस यांनी प्रथमोपचार करुन त्यास अधिक उपचारासाठी मालेगावी येथे हलविले. 

वैभवने बसस्थानकासमोरील चौकात स्वत:ची रिक्षा रॉकेल टाकून पेटवून दिल्याने बसस्थानकासमोर काही काळ थरारक वातावरण होते. अचानक घडलेल्या या घटनेने एकच खळबळ उडाली. बसस्थानक परिसरात नागरिकांनी मोठी गर्दी केली होती, तर रस्त्यावर रिक्षाचा भडका उडाल्याने स्फोट होईल, असे वाटल्याने घबराट पसरली होती. तर काही काळासाठी रस्त्यावरील वाहतूकही ठप्प झाली होती. 

याप्रकरणी पोलिसांनी वैभवसह चौघांविरुद्ध भादंवि कलम ३२४, ३२३, ५०४, ५०६ अन्वये गुन्हा दाखल केला असून सहाय्यक पोलीस उपनिरीक्षक प्रभाकर सोनवणे हे अधिक तपास करीत आहेत.