ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

महिलांच्या समस्या प्राधान्याने सोडविणार - विजया रहाटकर

नागपूर, दि. 25 (प्रतिनिधी)- महिलांच्या कौटुंबिक व इतर समस्या सोडविण्यास राज्य महिला आयोग सर्वोच्च प्राधान्य देणार असून ’आयोग आपल्या दारी’ हा उपक्रम राबवून प्रत्येक विभागात जनसुनावणी घेऊन मोठ्या प्रमाणात प्रकरणे निकाली काढणार असल्याचे प्रतिपादन राज्य महिला आयोगाच्या अध्यक्षा विजया रहाटकर यांनी केले. 
रविभवन येथील शासकीय विश्रामगृहाच्या सभागृहात विभागीय महिला जनसुनावणी कार्यक्रमाचे उद्घाटन राज्य महिला आयोगाच्या अध्यक्षा विजया रहाटकर यांच्या हस्ते झाले. याप्रसंगी आयोगाचे सदस्य सचिव ए. एन. त्रिपाठी, सदस्या श्रीमती नीता ठाकरे, उपसचिव ला. रा. गुजर, प्रकल्प अधिकारी लक्ष्मण मानकर व तक्रारदार महिला मोठ्या संख्येने उपस्थित होत्या. विजया रहाटकर म्हणाल्या की, राज्य महिला आयोग महिलांच्या कौटुंबिक व इतर समस्या तसेच महिलांना होणार्‍या मारहाणीबाबत येणार्‍या तक्रारींवर गांभीर्याने विचार करत असून अशा केसेसमध्ये पोलीस विभागाने तातडीने कारवाई करावी व जलद न्यायालयाच्या माध्यमातून गुन्हेगाराला जास्तीत जास्त शिक्षा कशी होईल याकडे लक्ष द्यावे, अशी अपेक्षा व्यक्त केली. या विभागीय महिला जनसुनावणीसाठी दोन पॅनल तयार करण्यात आले असून यात स्वत: अध्यक्षा विजया रहाटकर व सदस्य सचिव ए. एन. त्रिपाठी हे महिलांच्या समस्या व तक्रारी ऐकत होते. उपस्थित असलेले पोलीस अधिकारी, संरक्षण अधिकारी यांना सूचना देत होते. या विभागीय महिला जनसुनावणीत मोठ्या प्रमाणात आठही जिल्ह्यातील महिलांचे तक्रारीचे प्रकरणे दाखल झालेली असून काही महिलांनी तक्रार दाखल करताना दैनिक वृत्तपत्रात वाचून आम्ही तक्रार दाखल करण्यासाठी आलो असल्याचे अध्यक्षांना सांगितले. राज्य महिला आयोगातर्फे 58 प्रकरणांवर सुनावणी कौटुंबिक हिंसाचार कायदा खूप सशक्त असला तरी समाजात आजही महिलांचे शोषण होतच आहे. अशा प्रकरणांना आळा बसावा यासाठी प्रत्येक विभागात जनसुनावणी घेण्यात येत असून आज नागपूर विभागात एकूण 58 विविध प्रकरणांवर जनसुनावणी करण्यात आली असल्याची माहिती राज्य महिला आयोगाच्या अध्यक्षा विजया रहाटकर यांनी दिली. रविभवन येथील सभागृहात माहिती देतांना म्हणाल्या की, विभागीय महिला जनसुनावणीत 58 विविध प्रकरणांत 30 कौटुंबिक, 9 सामाजिक, 5 मारहाणी, 3 कामाच्या ठिकाणी छेडछाड व इतर 11 अशा 58 प्रकरणांवर चर्चा होऊन त्या वेगवेगळ्या विभागाकडे कारवाईसाठी पाठविण्यात आल्या.त्यात नागपूर- 51 प्रकरणे, गोंदिया- 1, भंडारा-4, गडचिरोली-1, अकोला-1 तसेच अमरावती, चंद्रपूर व वर्धा या जिल्ह्याचे प्रकरणे दाखल झालेले नाहीत, असेही त्यांनी यावेळी सांगितले.