ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

स्वच्छ कार्यालयाद्वारे स्वच्छ भारताचे स्वप्न साकार करा- अण्णासाहेब मिसाळ

धुळे, दि. 26 (प्रतिनिधी)- शुक्रवार, दि. 27 मे रोजी जिल्ह्यातील सर्व कार्यालयांमध्ये कार्यालय व परिसर स्वच्छतेबाबत मोहीम राबविण्यात येणार असून स्वच्छ कार्यालयाद्वारे स्वच्छ भारताचे स्वप्न साकार करुया, असे आवाहन जिल्हाधिकारी अण्णासाहेब मिसाळ यांनी केले आहे.
जिल्हाधिकारी कार्यालयातील नियोजन सभागृहात स्वच्छ भारत अभियान अंतर्गत शासकीय कार्यालये व परिसर स्वच्छतेबाबतची बैठक जिल्हाधिकारी अण्णासाहेब मिसाळ यांच्या अध्यक्षतेखाली आज आयोजित करण्यात आली होती. यावेळी अपर जिल्हाधिकारी प्रकाश वायचळ, मनपा आयुक्त डॉ. नामदेव भोसले, निवासी उपजिल्हाधिकारी तुकाराम हुलवळे, जिल्हा माहिती अधिकारी रणजितसिंह राजपूत आदी उपस्थित होते. 
जिल्हाधिकारी म्हणाले की, शुक्रवारी सकाळी 7 ते 9 या वेळेत प्रत्येक शासकीय कार्यालयातील कार्यालयीन जागा ही नीटनेटकी व सुटसुटीत करण्यात यावी. कार्यालयातील छन्नमार्ग (पॅसेज) तसेच पायर्‍यांवर स्वच्छता राखून सदर मार्गात कोणतेही कार्यालयीन वस्तू, दस्ताऐवज, कपाट ठेवू नये. तसेच कार्यालयातील जागेत पोषक वातावरण निर्माण करण्यासाठी नस्ती, ऑफिस फाईल्स, कागदपत्रे इत्यादी सुयोग्य पद्धतीने ठेवण्यात यावीत. कार्यालयीन तसेच कार्यालय परिसर जसे स्वच्छतागृहे, लिप्ट इत्यादी जागा नेहमीच स्वच्छ व टापटीप राहील याची दक्षता घेण्यात यावी. त्याचबरोबर कार्यालयाच्या लगतच्या बाहेरील जागा उदा. पार्किंग लॉट, कार्यालयातील येण्या-जाण्याचा मार्ग इत्यादी ठिकाणी देखील तशीच स्वच्छता राखण्यात यावी. कार्यालय तसेच कार्यालय परिसरातील स्वच्छता राखण्यासाठी विनावापरातील वाहने, फर्निचर, इलेक्ट्रॉनिक्स व विद्युत उपकरणे इत्यादी जड वस्तु यांची जाणीवपूर्वक विल्हेवाट लावण्यात यावी. कार्यालयीन अभिलेख तसेच दस्ताऐवजांची रितसर नोंदणी करण्यात यावी.
अपर जिल्हाधिकारी प्रकाश वायचळ म्हणाले की, दिलेल्या सूचनांच्या आधारे विभागाच्या अधिनस्त प्रत्येक कार्यालयाने स्वच्छता, कार्यालयीन स्वच्छता अभियान तातडीने सुरु करावे. तसेच, कार्यालय व परिसरातील स्वच्छता राखण्यात सातत्य राहावे, याकरिता असे अभियान नियमितपणे द्वैमासिक अथवा त्रैमासिक पद्धतीने राबविण्यात यावे. निवासी उपजिल्हाधिकारी तुकाराम हुलवळे यांनी प्रास्ताविक करुन सर्वांचे आभार मानले.