ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

केंद्रीय पथकाने केली दुष्काळी भागाची पाहणी

जाम गावातील शेतकर्‍यांनी मांडल्या आपल्या कैफियती
वर्धा, दि. 3 (प्रतिनिधी)- सन 2015 मधील खरीप हंगामात पावसाचे प्रमाण कमी झाल्यामुळे शेतकर्‍यांचे मोठ्या प्रमाणात नुकसान झालेले असून अशा शेतकर्‍यांना केंद्र शासनामार्फत मदत मिळावी यासाठी वर्धा जिल्ह्यातील शेतकर्‍यांशी चर्चा करण्यासाठी आलो आहोत, असे केंद्र शासनाच्या निती आयोगाचे अधिकारी डॉ.रामानंद यांनी समुद्रपूर तालुक्यातील जाम येथे शेतकर्‍यांशी चर्चा करतांना सांगितले. 
वर्धा जिल्ह्यातील समुद्रपूर तालुक्यातील जाम येथील ग्रामपंचायतीच्या सभागृहात बुधवारी केंद्र शासनाच्या दुष्काळ पाहणी पथकातील सदस्य निती आयोगाचे अधिकारी डॉ.रामानंद, केंद्र शासनाच्या ग्रामविकास विभागाचे अवर सचिव राम वर्मा, केंद्र शासनाच्या जलसंसाधन विभागाचे उपसंचालक मिलींद पानपाटील, भारतीय खाद्य निगम, मुंबईचे ए.जी.एम. एम.एम.बोराडे, डायरेक्टर सेंट्रल इलेक्ट्रीसिटीचे जे.के.राठोड यांनी जाम गावातील शेतकर्‍यांशी चर्चा करुन त्यांच्या समस्या जाणून घेऊन त्यांच्याशी सविस्तर चर्चा केली. 
यावेळी काही शेतकर्‍यांनी कैफियत मांडतांना सांगितले, खरीपाचा हंगाम गेल्यावर रब्बी हंगाम चांगला होईल या आशेवर शेतकर्‍यांनी रब्बीसाठी खर्च केले. परंतु अचानक गारपीट आल्यामुळे शेतकर्‍यांचे मोठ्या प्रमाणात नुकसान झाले. यापुढे या जिल्ह्यातील शेतकरी हवालदील झालेला असून त्याला शासकीय मदतीची मोठ्या प्रमाणात गरज आहे, अशी मागणीही शेतकर्‍यांनी पथकाकडे केली. काही शेतकर्‍यांनी जलयुक्त शिवारांची कामे या परिसरात सुरु करण्यात यावीत, पिकांचे निल गाई मोठ्या प्रमाणात नुकसान करतात त्यांचा बंदोबस्त करावा, अशी मागणीही त्यांनी पथकाकडे केली. 
या पथकासोबत अप्पर जिल्हाधिकारी दीपक नलवडे, समुद्रपूरचे तहसिलदार सचिन यादव, हिंगणघाटचे तहसिलदार दीपक कारंडे, कृषी सहसंचालक विजय घावडे, जिल्हा कृषी अधिकारी डॉ.भारती इत्यादी उपस्थित होते.