ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

शेतकरी मदतीचे 18 प्रस्ताव मंजूर; आत्महत्या निर्मूलन सहाय्यता समितीचा निर्णय

धुळे, दि. 4 (प्रतिनिधी)- शेतकरी आत्महत्या झालेल्या एकूण 24 मदतीच्या प्रस्तावांपैकी 18 प्रस्तावांना मंजुरी देण्याचा निर्णय जिल्हाधिकारी अण्णासाहेब मिसाळ यांच्या अध्यक्षतेखाली घेण्यात आलेल्या शेतकरी आत्महत्या निर्मूलन व सहाय्यता समितीच्या बैठकीत घेण्यात आला.
जिल्हाधिकारी कार्यालयातील सातपुडा सभागृहात बैठक झाली. अपर पोलीस अधीक्षक चंद्रकांत गवळी, निवासी उपजिल्हाधिकारी तुकाराम हुलावळे, जिल्हा अधीक्षक कृषी अधिकारी प्रकाश सांगळे, उपविभागीय अधिकारी गणेश मिसाळ, राहुल पाटील, तहसीलदार दत्ता शेजूळ (महसूल), अनिल मोरे (धुळे), महेश शेलार (शिरपूर), गायत्री सैंदाणे (शिंदखेडा), अपर तहसीलदार ज्योती देवरे, नायब तहसीलदार अरुण देवरे, माजी आमदार जे. यू. ठाकरे यावेळी उपस्थित होते.
या बैठकीत शेतकरी आत्महत्येबाबत प्राप्त प्रस्तांवावर चर्चा झाली. धुळे तालुक्यातून 6, साक्री व शिरपूर तालुक्यातून प्रत्येकी 2, तर शिंदखेडा तालुक्यातून शेतकरी आत्महत्येबाबतचे 14 प्रस्ताव दाखल झाले होते. त्यापैकी 18 प्रस्ताव मंजूर झाले, तर 5 प्रस्ताव अपात्र ठरले. एका प्रस्तावाच्या फेरचौकशीचा निर्णय बैठकीत घेण्यात आला.