ब्रेकिंग न्यूज
सावंतवाडी स्थानकाजवळ दुरांतो एक्स्प्रेसचे डबे रुळावरून घसरले      इंडोनेशियात फटाक्यांच्या कारखान्याला आग, २३ ठार, ४३ जखमी      ताजमहालची सफाई करण्यापेक्षा योगींनी आपल्या पक्षातल्या लोकांची कलुषित मने स्वच्छ करावी : असदुद्दिन ओवैसी      महालक्ष्मी एक्स्प्रेस वर मध्यरात्री दरोडा, जेजुरी राजेवाडी स्टेशन येथील घटना, सिग्नल नादुरुस्त करून केली लूट      पर्यटनासाठी आलेल्या स्वित्झर्लंडच्या एका जोडप्याला उत्तर प्रदेशच्या फतेहपूर सीक्रीत एका टोळक्याने केली मारहाण      मुंबै बँकेकडून राधाकृष्ण विखे-पाटील यांना नियमबाह्य कर्ज? विखेंच्या डबघाईस आलेल्या कंपनीला 35 कोटींचं कर्ज.      मुंबई - छेडछाडीच्या भीतीने तरुणीने ट्रेनमधून उडी मारल्याचं प्रकरण, आरोपीला रेल्वे पोलिसांकडून अटक.      चंदू चव्हाण यांना तीन महिन्यांची शिक्षा, एलओसी ओलांडल्याप्रकरणी चंदू चव्हाण दोषी      अमिताभ बच्चन यांच्या अनधिकृत बांधकामास एमआरटीपीची नोटीस      गडचिरोलीतील 1036 गावांनी घेतला नक्षल गावबंदीचा ठराव
...

जगातील सर्वात कुशल तरुणाई भारतात- डॉ. हिना गावीत

नंदुरबार, दि. 16 (प्रतिनिधी)- कौशल्य विकास ही देशासाठी काळाजी गरज आहे. शिक्षणाचा उद्देश केवळ पदवी बहाल करण्यापुरता मर्यादित नसून त्यातून कौशल्य विकासाची चालना मिळण्यासाठी आवश्यक आहे. कौशल्य विकासात भारत आज जगातील प्रमुख राष्ट्रांच्या खाद्याला खांदा लावून स्पर्धा करतोय तसेच जगातील सर्वात कुशल तरुणाई भारतात असल्याचे प्रतिपादन खासदार डॉ. हिना गावीत यांनी केले.
जिल्हा कौशल्य विकास व उद्योजकता विभागामार्फत जागतिक युवा कौशल्य दिनाच्या उद्घाटनाप्रसंगी डॉ. गावीत बोलत होत्या. यावेळी जिल्हाधिकारी डॉ. मल्लिनाथ कलशेट्टी, जिल्हा परिषदेचे उपाध्यक्ष सुहास नाईक, जिल्हा अग्रणी बँकचे व्यवस्थापक लक्ष्मीकांत खेडेकर, कौशल्य विकास, रोजगार व उद्योजकता सहाय्यक संचालक अनिला तडवी, जिल्हा उद्योग केंद्राचे महाव्यवस्थापक उपेद्र सांगळे, औद्योगिक प्रशिक्षण संस्थेचे उपप्राचार्य आर.टी. कोकणी आदी उपस्थित होते.
डॉ. गावीत म्हणाल्या, हमखास नोकरीपेक्षा शाश्वत रोजगारासाठी शिक्षण आवश्यक आहे. शिक्षणाला केवळ तत्कालीन संदर्भाची जोड न देता आगामी 25 ते 30 वर्षे उपयोगात येईल अशा उद्देशाने शिक्षणाची निवड तरुणांनी करायला हवी. देशातील बेरोजगारी संपवायची असेल तर कौशल्य विकासासारखा दुसरा पर्याय नाही. कौशल्य विकास कार्यक्रमाला केंद्र सरकारने मुद्रा बँक योजनेची जोड दिली असून या माध्यमातून कोणत्याही तारण अथवा सिक्युरिटीशिवाय कर्जाची सुविधा उपलब्ध करुन देण्यात आलेली आहे. शासनाच्या धोरणाप्रमाणे जिल्ह्यातील कौशल्य विकास संस्थांना प्रशिक्षित तरुणांपैकी 80 टक्के तरुणांना रोजगार उपलब्ध करण्याची जबाबदारी निश्चित करण्यात आलेली आहे. डॉ. कलशेट्टी म्हणाले, आजच्या स्पर्धेच्या युगात स्वत:च्या पायावर उभे राहण्यासाठी शासनाने कौशल्य विकास विभाग सुरु केला आहे. कुठलेही कौशल्य आत्मसात करण्यासाठी पुरेसा कालावधी मिळायला हवा. मुलांना गुणवत्तेचे प्रशिक्षण मिळायला हवे. प्रशिक्षण घेताना जीव ओतून प्रशिक्षण घ्यायला हवे, यात प्रशिक्षण देणार्‍या संस्थांचीही जबाबदारी मोठी आहे. त्याचबरोबर बँकाचीही जबाबदारी मोठी आहे. ज्यात आवड आहे त्यात कौशल्य संपादन करुन युवकांना या कार्यक्रमाचा लाभ घ्यावा. सूत्रसंचालन महाराष्ट्र उद्योजकता विकास केंद्राचे संचालक शशिकांत कुंभार यांनी केले तर आभार डॉ. एन.डी. पाटील यांनी मानले.