ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

योजनांचा लाभ मिळवून देणे ही सर्वांची जबाबदारी - पालकमंत्री बडोले

गोंदिया, दि. 18 (प्रतिनिधी)- ग्रामीण भागातील सर्वसामान्य लाभार्थी हा तालुका पातळीवरील कार्यालयात योजनांचा लाभ घेण्यासाठी येऊ शकत नाही. तेव्हा गावपातळीवरील गरजू लाभार्थ्यांचा शोध घेऊन त्यांना योजनांचा लाभ मिळवून देणे ही आपली सर्वांची जबाबदारी आहे, असे प्रतिपादन पालकमंत्री राजकुमार बडोले यांनी केले.
15 जुलै रोजी सडक/अर्जुनी पंचायत समिती सभागृहात महासमाधान शिबीराच्या पूर्व तयारीचा आढावा घेताना पालकमंत्री बडोले बोलत होते. सभेला पंचायत समिती उपसभापती विलास शिवणकर, जि.प.सदस्य माधुरी पाथोडे, शिला चव्हाण, पंचायत समिती सदस्य राजेश कठाणे, गिरीधारी हत्तीमारे, तहसीलदार विठ्ठल परळीकर, गट विकास अधिकारी लोकरे यांची उपस्थिती होती.
पालकमंत्री पुढे म्हणाले, ऑगस्ट महिन्यात आयोजित करण्यात येणार्‍या महासमाधान शिबीराच्या माध्यमातून जवळपास 40 हजार लाभार्थ्यांना योजनांचा लाभ देण्याचा आपला संकल्प आहे. या शिबीराच्या यशस्वीतेसाठी विविध शासकीय यंत्रणांचे अधिकारी/कर्मचारी तसेच लोकप्रतिनिधींनी नियोजनातून काम करावे. त्यामुळे गरजू लाभार्थी योजनांपासून वंचित राहणार नाही.
जिल्ह्यातील अपंग व्यक्तीच्या स्वावलंबनासाठी 2 कोटी रूपयांची तरतूद केली असल्याचे सांगून पालकमंत्री बडोले म्हणाले, अशा दिव्यांग व्यक्तींच्या कल्याणासाठी दिव्यांग स्वावलंबन अभियान-2016 राबविणार आहे.
तहसीलदार परळीकर, म्हणाले, महासमाधान शिबीराच्या यशस्वी आयोजनासाठी विविध यंत्रणांच्या अधिकारी व कर्मचार्‍यांनी टीम वर्क म्हणून काम करावे. लाभार्थ्यांना योजनांचा लाभ देण्यासाठी कामचुकारपणा करु नये. यावेळी गजानन वाघ यांनी समाधान शिबीराच्या नियोजनाची व दिव्यांग स्वावलंबन अभियानाची माहिती दिली. महासमाधान शिबीराच्या पूर्व तयारी आढावा बैठकीस सडक/अर्जुनी तालुक्यातील अनेक गावातील सरपंच, उपसरपंच, ग्रामपंचायत सदस्य, मुख्याध्यापक, ग्रामसेवक, तलाठी, अंगणवाडी सेविका, आरोग्य सेवक, कृषी सहायक, यांच्यासह यंत्रणांच्या गावपातळीवरील कर्मचार्‍यांची मोठ्या संख्येने उपस्थिती होती.