ब्रेकिंग न्यूज
उल्हासनगर : रेल्वे स्टेशनबाहेर वडापावच्या दुकान मालकाला जिवंत जाळण्याचा प्रयत्न, चंदरलाल रामरखियानी 100 % भाजले      पाकिस्तानात बेपत्ता झालेले दोन्ही मौलवी भारतात परतले      बेळगावात ड्राय डेच्या दिवशी दारु न दिल्याने पोलिसांची हॉटेल मॅनेजरला लाथा-बुक्क्यांनी मारहाण      नागपूरमध्ये राजू शेट्टी यांचे स्टेट बँक इंडियाच्या कार्यालयाबाहेर आंदोलन      पतीची हत्या करुन मृतदेह बीएमडब्ल्यू गाडीत लपवला, पत्नीविरोधात गुन्हा दाखल, पंजाबमधील घटना      उत्तरप्रदेशमध्ये बहुजन समाज पक्षाचे नेते मोहम्मद समी यांची भररस्त्यात हत्या      छत्तीसगडमधील दंतेवाडामधूल पाच नक्षलवाद्यांकडून मोठ्या प्रमाणात शस्त्रसाठा हस्तगत      महाराष्ट्राच्या शेतकऱ्यांना फसवणारा, जनतेला गाजर दाखवणारा अर्थसंकल्पः जयंत पाटील      जळगाव : शहरापासून जवळच असलेल्या भादली गावात मध्यरात्री एका कुटुंबातील चौघांची चोरटयांनी हत्या केली.      मुंबईने गमावला मतदानाचा अधिकार, ईशान्य भारतातील राज्यांना मिळाला BCCI मध्ये मतदानाचा हक्क
...

रा. सु. उर्फ दादासाहेब गवई यांच्या स्मारकाचे पालकमंत्र्यांच्या हस्ते भूमिपूजन

संत गाडगेबाबा अमरावती विद्यापीठाच्या परिसरात भव्य स्मारक उभारणार
अमरावती, दि. 26 (प्रतिनिधी)- आंबेडकरी चळवळीतील अग्रणी नेते, बिहार, केरळ व सिक्कीम या राज्याचे माजी राज्यपाल, महाराष्ट्र विधान परिषदेचे प्रदीर्घ काळ सदस्य, उपसभापती व विरोधी पक्षनेता तसेच जागतिक बौध्द महापरिषदेचे उपाध्यक्ष पद भूषविलेले अमरावती जिल्ह्याचे भूमीपुत्र रा. सु. उर्फ दादासाहेब गवई यांच्या कर्तृत्वाची सदैव प्रेरणा देण्यासाठी संत गाडगेबाबा अमरावती विद्यापीठाच्या परिसरात भव्य स्मारक उभारण्यात येणार आहे. या स्मारकाचे भूमीपूजन व कोनशीलेचे अनावरण पालकमंत्री प्रवीण पोटे यांच्या हस्ते करण्यात आले.

याप्रसंगी न्यायमूर्ती भूषण गवई, खासदार आनंदराव अडसूळ, आमदार सर्वश्री डॉ. सुनील देशमुख, वीरेंद्र जगताप, रवि राणा, ड. यशोमती ठाकूर, जिल्हाधिकारी किरण गित्ते, पोलीस आयुक्त दत्तात्रय मंडलीक, अमरावती विद्यापीठाचे कुलगुरु डॉ. मुरलीधर चांदेकर, जिल्हा सत्र न्यायालयाचे न्यायाधीश पृथ्वीराज चव्हाण, दादासाहेबांच्या पत्नी कमलताई गवई, डॉ. राजेंद्र गवई, कीर्ती अर्जून आदी उपस्थित होते.
दिवंगत रा.सु. उपाख्य दादासाहेब गवई यांचे गेल्या वर्षी 25 जुलैला निधन झाले. त्यांचा यशोचित सन्मान करण्यासाठी मुख्यमंत्री देवेंद्र फडणवीस यांनी त्यांचे भव्य स्मारक उभारण्याची घोषणा मुंबई येथील सर्वपक्षीय सभेत केली होती. आज रोजी घोषणेनुसार स्मारक उभारण्यासाठी मुहूर्तमेढ पालकमंत्री प्रवीण पोटे यांच्या हस्ते कमलताई गवई व त्यांच्या कुटुंबियांच्या प्रमुख उपस्थितीत रोवल्या गेली. 
(सौजन्य- महान्यूज)